gobaith.cymru | Anadla, anadl Iôr - gobaith.cymru - Un o wefannau y Cyngor Ysgolion Sul

Anadla, anadl Iôr

Anadla, anadl Iôr,
Llanw fy mywyd i,
Fel byddo ‘nghariad i a’m gwaith
Yn un a’r eiddot ti.

Anadla, anadl Iôr,
Rho imi galon bur,
A gwna f’ewyllys dan dy law
Yn gadarn fel y dur.

Anadla, anadl Iôr,
Meddianna fi yn lân,
Nes gloywi fy naearol fryd
A gwawl y dwyfol dân.

Anadla, anadl Iôr,
Nid ofnaf angau mwy,
Caf fyw’n dragwyddol gyda thi
Uwchlaw pob loes a chlwy’.

Edwin Hatch (1835-89) (Breathe on me breath of God) cyf. Alun Davies (1922-72) © geiriau Cymraeg, Geraint Davies. Defnyddiwyd drwy ganiatâd.

(Caneuon Ffydd 567; Grym Mawl 2: 13)

PowerPoint

Datganiad Hawlfraint
Mae gobaith.org yn darparu'r ffeiliau PowerPoint hyn o gyfieithiadau o ganeuon mawl Saesneg fel gwasanaeth rhad ac am ddim, ond amddiffynnir yr holl ganeuon gan ddeddf hawlfraint. Gall deiliaid Trwydded Hawlfraint Eglwysi lawrlwytho ac atgynhyrchu geiriau'r caneuon hyn yn unol ag amodau eu trwydded, a dylent gynnwys pob cân a ddefnyddir yn eu hadroddiad defnydd o ganeuon blynyddol. Os nad oes trwydded hawlfraint gennych bydd rhaid derbyn caniatâd gan berchennog pob cân y dymunwch ei lawrlwytho a/neu ei hatgynhyrchu. Am fanylion pellach am y Drwydded Hawlfraint Eglwysi ewch i www.ccli.com neu ffoniwch 01323 436103.

Gwenda Jenkins,
March 30, 2015

Anadla, anadl Iôr

Chwilio:

Math o gân

Testun

Awdur / Cyfieithydd