O na chawn i olwg hyfryd

O na chawn i olwg hyfryd
ar ei wedd, Dywysog bywyd;
tegwch byd, a’i holl bleserau,
yn ei ŵydd a lwyr ddiflannai.

Melys odiaeth yw ei heddwch,
anghymharol ei brydferthwch;
ynddo’n rhyfedd cydlewyrcha
dwyfol fawredd a mwyneidd-dra.

Uchelderau mawr ei Dduwdod
a dyfnderoedd ei ufudd-dod
sy’n creu synnu fyth ar synnu
yn nhrigolion gwlad goleuni.

DAVID CHARLES, 1762-1834

(Caneuon Ffydd 356)