Dowch, blant bychain, dowch i foli’r Iesu

Dowch, blant bychain, dowch i foli’r Iesu,
cariad yw, cariad yw;
dowch, blant bychain, dowch i foli’r Iesu,
cariad yw, cariad yw.

Daeth i’r byd bob cam i lawr o’r nefoedd
er ein mwyn, er ein mwyn;
daeth i’r byd bob cam i lawr o’r nefoedd
er ein mwyn, er ein mwyn.

Fe gymerodd blant bach Galilea
yn ei gôl, yn ei gôl;
fe gymerodd blant bach Galilea
yn ei gôl, yn ei gôl.

Do, bu farw draw ar ben Calfaria
drosom ni, drosom ni;
do, bu farw draw ar ben Calfaria
drosom ni, drosom ni.

Ond ar fore’r trydydd dydd cyfododd,
daeth o’r bedd, daeth o’r bedd;
ond ar fore’r trydydd dydd cyfododd,
daeth o’r bedd, daeth o’r bedd.

Canu iddo heddiw mae angylion
yn y nef, yn y nef;
canwn ninnau iddo o un galon,
iddo ef, iddo ef.

NANTLAIS, 1874-1959 (© Yr Athro S. Nantlais Williams. Defnyddir drwy ganiatâd.)

(Caneuon Ffydd 406)