Wrth gofio d’air, fy Iesu glân

Wrth gofio d’air, fy Iesu glân,
mawr hiraeth arnaf sy
am ddod yn isel ger dy fron
yn awr i’th gofio di.

Dy gorff a hoeliwyd ar y pren
yw bara’r nef i mi;
dy waed sydd ddiod im yn wir,
da yw dy gofio di.

Wrth droi fy llygaid tua’r groes,
wrth weled Calfarî,
O Oen fy Nuw, fy aberth drud,
rhaid im dy gofio di.

Dy gofio di a’th glwyfau oll,
dy angau drosof i;
tra byddaf fyw ni pheidiaf byth
fel hyn a’th gofio di.

A phan fo’n fud fy ngenau hyn
ar lan y beddrod du,
pan ddeui yn dy deyrnas lân,
O Arglwydd, cofia fi.

JAMES MONTGOMERY, 1771-1854 (According to thy gracious word) cyf. HYMNAU HEN A NEWYDD

(Caneuon Ffydd 484)