Enaid gwan, paham yr ofni?

Enaid gwan, paham yr ofni?
Cariad yw
meddwl Duw,
cofia’i holl ddaioni.

Pam yr ofni’r cwmwl weithian?
Mae efe
yn ei le
yn rheoli’r cyfan.

Os yw’n gwisgo y blodeuyn
wywa’n llwyr
gyda’r hwyr,
oni chofia’i blentyn?

Duw a ŵyr dy holl bryderon:
agos yw
dynol-ryw
beunydd at ei galon.

Er dy fwyn ei Fab a roddodd:
cofia’r groes
ddyddiau d’oes:
“Canys felly carodd.”

Bellach rho dy ofnau heibio;
cariad yw
meddwl Duw:
llawenycha ynddo.

ELFED, 1860-1953

(Caneuon Ffydd 200)