O Arglwydd Dduw, y Brenin mawr

O Arglwydd Dduw, y Brenin mawr,
dy fendith dyro inni nawr:
rho inni’r fraint ar hyn o bryd
yn d’Ysbryd i’th addoli ‘nghyd.

Yn ôl d’addewid, Iesu cu,
i fod lle byddo dau neu dri,
bydd yn ein mysg ar hyn o bryd,
tra bo dy bobol yma ‘nghyd.

‘Rwyt ti, O Dduw, ymhob rhyw fan
yn codi’r gweiniaid oll i’r lan;
rho inni wedd dy ŵyneb llon,
bydd yn ein mysg yr oedfa hon.

JOHN THOMAS, 1730-1804?

(Caneuon Ffydd 16)

PowerPoint
PPt Sgrîn lydan