Ein gwefannau eraill: ysgolsul.com beibl.net gair.cymru
Ein gwefannau eraill: ysgolsul.com beibl.net gair.cymru
Gwna fi fel pren planedig, O fy Nuw, yn ir ar lan afonydd dyfroedd byw, yn gwreiddio ar led, a’i ddail heb wywo mwy, yn ffrwytho dan gawodydd dwyfol glwy’. Gad imi fyw, ynghanol pob rhyw bla, dan gysgod clyd adenydd Iesu da; a’m tegwch gwir fel olewydden wiw o blaniad teg daionus Ysbryd Duw. […]
Gwnes addunedau fil i gadw’r llwybyr cul ond methu ‘rwy’; Breswylydd mawr y berth, chwanega eto nerth i ddringo’r creigiau serth heb flino mwy. Gelynion lawer mil sy oddeutu’r llwybyr cul a minnau’n wan; dal fi â’th nerthol law rhag cwympo yma a thraw: ymhob rhyw drallod ddaw bydd ar fy rhan. Er nad wyf […]
Gyfrannwr pob bendithion ac awdur deall dyn, gwna ni yn wir ddisgyblion i’th annwyl Fab dy hun; drwy bob gwybodaeth newydd gwna ni’n fwy doeth i fyw, a gwisg ni oll ag awydd gwas’naethu dynol-ryw Rho inni ysbryd gweddi rho inni wefus bur, rho gymorth mewn caledi i lynu wrth y gwir; yng nghynnydd pob […]
Hedd sy’n llifo fel yr afon, llifo drwot ti a mi, llifo allan i’r anialwch, rhyddid bellach ddaeth i ni. Cariad sy’n llifo fel yr afon, llifo drwot ti a mi, llifo allan i’r anialwch, rhyddid bellach ddaeth i ni. Ffydd sy’n llifo fel yr afon, llifo drwot ti a mi, llifo allan i’r anialwch, […]
I ti dymunwn fyw, O Iesu da, ar lwybrau esmwyth oes, dan heulwen ha’: neu os daw’r niwl i guddio’r wybren las na ad i’m hofnau atal gwaith dy ras. Yn fwy bob dydd i ti dymunwn fyw gan wneud dy waith yn well, gwaith engyl yw; a gad i mi, wrth ddringo’u hysgol hwy, […]
I ti, O Dad addfwynaf, fy ngweddi a gyflwynaf yn awr ar derfyn dydd: O derbyn di fy nghalon, mewn hawddfyd a threialon yn gysgod bythol imi bydd. Pob gras tydi a feddi i wrando ar fy ngweddi, clyw nawr fy llef, O Dad; na chofia fy ffaeleddau, a maddau fy nghamweddau, dy fendith, Arglwydd, […]
Iesu tirion, edrych arnaf mewn iselder, poen a chur, dyro im dy ddwyfol Ysbryd a’i ddiddanwch sanctaidd, pur; pan wyt ti yn rhoi dy ŵyneb y mae llewyrch yn dy wedd sy’n gwasgaru pob amheuaeth ac yn trechu ofnau’r bedd. Edrych arnaf mewn tosturi pan fo cysur byd yn ffoi; yng nghyfyngder profedigaeth atat ti […]
Mae ‘ngolwg acw tua’r wlad lle mae fy heddwch llawn: O am gael teimlo’i gwleddoedd pur o fore hyd brynhawn. ‘Does dim difyrrwch yma i’w gael a leinw f’enaid cu ond mi ymborthaf ar y wledd sy gan angylion fry. ‘Ddiffygia’ i ddim, er cyd fy nhaith tra pery gras y nef, ac er cyn […]
Mae arnaf eisiau sêl i’m cymell at dy waith, ac nid rhag ofn y gosb a ddêl nac am y wobor chwaith, ond gwir ddymuniad llawn dyrchafu cyfiawn glod am iti wrthyf drugarhau ac edrych arna’i erioed. CHARLES WESLEY 1707- 91 efel. DAFYDD JONES. 1711-77 (Caneuon Ffydd 752)
Mae ffrydiau ‘ngorfoledd yn tarddu o ddisglair orseddfainc y ne’, ac yno’r esgynnodd fy Iesu ac yno yr eiriol efe: y gwaed a fodlonodd gyfiawnder, daenellwyd ar orsedd ein Duw, sydd yno yn beraidd yn erfyn i ni, y troseddwyr, gael byw. Cawn esgyn o’r dyrys anialwch i’r beraidd baradwys i fyw, ein henaid lluddedig […]
