Ein gwefannau eraill: ysgolsul.com beibl.net gair.cymru
Ein gwefannau eraill: ysgolsul.com beibl.net gair.cymru
O anfon di yr Ysbryd Glân yn enw Iesu mawr, a’i weithrediadau megis tân O deued ef i lawr. Yn ôl d’addewid fawr ei gwerth, O Arglwydd, tywallt di dy Ysbryd Sanctaidd gyda nerth i weithio arnom ni. O’th wir ewyllys deued ef i argyhoeddi’r byd ac arwain etifeddion nef drwy’r anial maith i gyd. […]
O Arglwydd da, argraffa dy wirioneddau gwiw yn rymus ar fy meddwl i aros tra bwyf byw; mwy parchus boed dy ddeddfau, mwy annwyl nag erioed, yn gysur bônt i’m calon, yn llusern wiw i’m troed. Myfyrdod am Gyfryngwr a phethau dwyfol, drud fo’n llanw ‘nghalon wamal yn felys iawn o hyd, a bydded prawf […]
O Arglwydd Dduw ein tadau, ein craig a’n tŵr wyt ti: O gogonedda eto dy enw ynom ni; ni cheisiwn fwy anrhydedd na rhodio’n llwybrau’r groes gan fyw i ddangos Iesu a gwasanaethu’n hoes. Nid oes i ni offeiriad ond Iesu Grist ei hun nac ordeiniadau eraill ond geiriau Mab y Dyn: i ryddid pur […]
Priodas O Arglwydd Dduw pob hyfryd ddawn, ffynhonnell cariad gwir, ar addunedau’r oedfa hon tywynned golau clir. O derbyn di dy weision hyn a serch eu calon hwy, na ddeued oerwynt byth na brad i roddi iddynt glwy’. A fflam dy ddwyfol gariad mawr a welwyd ar y groes, i’w calon roddo sanctaidd wres a […]
O Arglwydd Dduw rhagluniaeth ac iachawdwriaeth dyn, tydi sy’n llywodraethu y byd a’r nef dy hun; yn wyneb pob caledi y sydd neu eto ddaw, dod gadarn gymorth imi i lechu yn dy law. Er cryfed ydyw’r gwyntoedd a chedyrn donnau’r môr, doethineb ydyw’r Llywydd, a’i enw’n gadarn Iôr: er gwaethaf dilyw pechod a llygredd […]
O Arglwydd Dduw, sy’n dal colofnau’r cread a thynged nef a daear yn dy law, rho inni ras i dderbyn trefn dy gariad heb ryfyg ffôl nac ofnau am a ddaw; cans er pob dysg a dawn a roed i ni nid oes i’n bywyd ystyr hebot ti. Tywyll yw’r ffordd i ni drwy ddryswch […]
O Arglwydd Dduw, y Brenin mawr, dy fendith dyro inni nawr: rho inni’r fraint ar hyn o bryd yn d’Ysbryd i’th addoli ‘nghyd. Yn ôl d’addewid, Iesu cu, i fod lle byddo dau neu dri, bydd yn ein mysg ar hyn o bryd, tra bo dy bobol yma ‘nghyd. ‘Rwyt ti, O Dduw, ymhob rhyw […]
O Arglwydd grasol, trugarha a symud bla y gwledydd, darostwng falchder calon dyn a nwydau’r blin orthrymydd; a dysg genhedloedd byd o’r bron i rodio’n isel ger dy fron, Iôr union, bydd arweinydd. Mae’r nos yn ddu, a ninnau ‘mhell, a throm yw’r fflangell arnom; crwydrasom i’r anialwch maith a’th gyfraith wrthodasom; O Arglwydd, maddau […]
O Arglwydd gwêl dy was A phrawf fy nghalon i; Os gweli ynof anwir ffordd, I’r uniawn tywys fi. Os oes rhyw bechod cudd Yn llechu dan fy mron, O! Chwilia ‘nghalon drwyddi oll, A llwyr sancteiddia hon Yn Isräeliad gwir Gwna fi, heb dwyll na brad; A’m prif hyfrydwch yn fy Nuw, A’m cân […]
O Arglwydd Iôr, boed clod i ti am gofio eto’n daear ni â’th fendith hael ei dawn: diodaist hi ag afon Duw, fe’i gwisgaist â phrydferthwch byw, gan lwyr aeddfedu’r grawn. Tydi yw Tad y gwlith a’r glaw, a’r haul sy’n gwasgar ar bob llaw hyfrydwch dros y wlad: sisiala’r awel d’enw di, a’i seinio […]
