Ein gwefannau eraill: ysgolsul.com beibl.net gair.cymru
Ein gwefannau eraill: ysgolsul.com beibl.net gair.cymru
Dyro inni dy arweiniad, Arglwydd, drwy yr oedfa hon; rho dy Ysbryd a’i ddylanwad i’n sancteiddio ger dy fron: nefoedd yw dedwydd fyw dan dy wenau di, O Dduw. Byw yng ngwên dy siriol ŵyneb ewyllysiwn yn y byd, a chael oesoedd tragwyddoldeb i fawrhau dy gariad drud; dyro i lawr, yma nawr, ernes o’r […]
Dewch, bawb sy’n caru enw’r Oen, deffrown alluoedd cân; i Frenin calon saint rhown fawl, ymgrymwn oll o’i flaen. Ein Brenin yw, a’n Ceidwad mawr, ein Priod mwyn, di-lyth; gogoniant hwn a leinw’r nef, ei deyrnas bery byth. Doed holl dafodau’r byd â chlod di-baid i’n Brenin glân, pan fyddo Crist yn destun mawl pwy […]
Dowch, blant bychain, dowch i foli’r Iesu, cariad yw, cariad yw; dowch, blant bychain, dowch i foli’r Iesu, cariad yw, cariad yw. Daeth i’r byd bob cam i lawr o’r nefoedd er ein mwyn, er ein mwyn; daeth i’r byd bob cam i lawr o’r nefoedd er ein mwyn, er ein mwyn. Fe gymerodd blant […]
Dechrau canu, dechrau canmol – ymhen mil o filoedd maith – Iesu, bydd y pererinion hyfryd draw ar ben eu taith; ni cheir diwedd byth ar sŵn y delyn aur. Yno caf fi ddweud yr hanes sut y dringodd eiddil, gwan drwy afonydd a thros greigiau dyrys, anial, serth i’r lan: Iesu ei hunan gaiff […]
Dal fi fy Nuw, dal fi i’r lan, ‘n enwedig dal fi lle ‘rwy’n wan; dal fi yn gryf nes mynd i maes o’r byd sy’n llawn o bechod cas. Gwna fi’n gyfoethog ymhob dawn, gwna fi fel halen peraidd iawn, gwna fi fel seren olau wiw ‘n disgleirio yn y byd ‘rwy’n byw. Dysg […]
Disgyn, Iesu, o’th gynteddoedd lle mae moroedd mawr o hedd; gwêl bechadur sydd yn griddfan ar ymylon oer y bedd: rho im brofi pethau nad adnabu’r byd. Rho oleuni, rho ddoethineb, rho dangnefedd fo’n parhau, rho lawenydd heb ddim diwedd, rho faddeuant am bob bai; triged d’Ysbryd yn ei demel dan fy mron. Ynot mae […]
Dros bechadur buost farw, dros bechadur, ar y pren, y dioddefaist hoelion llymion nes it orfod crymu pen; dwed i mi, ai fi oedd hwnnw gofiodd cariad rhad mor fawr marw dros un bron â suddo yn Gehenna boeth i lawr? Dwed i mi, a wyt yn maddau cwympo ganwaith i’r un bai? Dwed a […]
Deued pechaduriaid truain yn finteioedd mawr ynghyd, doed ynysoedd pell y moroedd i gael gweld dy ŵyneb-pryd, cloffion, deillion, gwywedigion, o bob enwau, o bob gradd, i Galfaria un prynhawngwaith i weld yr Oen sydd wedi ei ladd. Dacw’r nefoedd fawr ei hunan nawr yn dioddef angau loes; dacw obaith yr holl ddaear heddiw’n hongian […]
‘Does gyffelyb iddo ef ar y ddaear, yn y nef; trech ei allu, trech ei ras na dyfnderau calon gas, a’i ffyddlondeb sydd yn fwy nag angheuol, ddwyfol glwy’. Caned cenedlaethau’r byd am ei enw mawr ynghyd; aed i gyrrau pella’r ne’, aed i’r dwyrain, aed i’r de; bloeddied moroedd gyda thir ddyfnder iachawdwriaeth bur. […]
Dyma gyfarfod hyfryd iawn, myfi yn llwm, a’r Iesu’n llawn; myfi yn dlawd, heb feddu dim, ac yntau’n rhoddi popeth im. Ei ganmol bellach wnaf o hyd, heb dewi mwy tra bwy’n y byd; dechreuais gân a bery’n hwy nag y ceir diwedd arni mwy. WILLIAM WILLIAMS, 1717-91 (Caneuon Ffydd 302)
